O Fotoage de Skymedic é unha terapia fotobiodinámica avanzada que combina a luz LED con activos cosméticos de alta eficacia para reactivar os mecanismos naturais da túa pel.
A luz LED estimula os procesos biolóxicos naturais que favorecen a rexeneración celular, mentres que os activos aplicados potencian o efecto, achegando nutrientes necesarios e protección antioxidante.
É un tratamento totalmente persoalizado, porque se adapta ó que a túa pel necesita en cada momento.
Traballamos con distintos protocolos adaptados a cada tipo de pel e preocupación estética:
· Blemish: ideal para peles mixtas, graxas ou acnéicas. Regula o exceso de sebo, reduce imperfeccións e mellora o aspecto dos poros, deixando unha pel máis limpa e equilibrada. Acción antibacteriana.
· Wrinkles: pensado para peles maduras ou con signos de envellecemento. Estimula o coláxeno e a elastina, suaviza engurras e devolve firmeza e elasticidade.
· Dark Spots: combate manchas e alteracións da pigmentación. Unifica o tono e ilumina o rostro, apto para melasma.
· Redness: indicado para peles sensibles ou con rosácea. Calma, reduce a inflamación e reforza a barreira cutánea.
· Dark Circles: deseñado para tratar a zona das olleiras. Ilumina o contorno, mellora a microcirculación e reduce bolsas e sombras para unha mirada máis descansada.
Ademais destes protocolos, contamos cun tratamento máis completo e avanzado que combina o Fotoage co microneedling.
Esta técnica crea microcanles controladas na superficie da pel, o que permite que os activos penetren en profundidade e multipliquen o efecto do tratamento.
Esta opción está pensada para persoas que buscan un tratamento global de rexeneración e luminosidade
O resultado é unha pel máis luminosa, uniforme, hidratada e con mellor textura, sen agresións nin tempo de recuperación.
É un tratamento non invasivo, indoloro e seguro, apto para todo tipo de peles, incluso as máis sensibles.